Plantun de Prouvènço

Pèr coumpara dos planto d'encò nostre

Pyrola chlorantha & Centranthus lecoqii

Pyrola chlorantha

Ericaceae

Nom en français : Pirole à fleurs verdâtres.

Descripcioun :
Aquelo pirolo trachis souto li pin, li sapiniero e li faiard de mountagno. Li fueio, basalo, soun quàsi roundo e entiero em'un long pecou, rèston dóu tèms de l'ivèr. Fai gaire de flour, de 2 à 6) verdasso o blancasso, de cop que i'a un pau jauno. L'estile èi torse en S, e au contro de Pyrola rotundifolia, soun "calice" èi mens de dous cop pu long que larg (fotò). Coumpara emé li pirolo di gènre Orthilia e Monenes.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : basalo
Tipe bioulougico : Camefite
Cicle bioulougico : Planto renadivo

Gènre : Pyrola
Famiho : Ericaceae

Ordre : Ericales

Coulour de la flour : Verdo
Petalo : 4
Ø (o loungour) flour : 0,8 à 1,2 cm
Flourido : Printèms - Estiéu

Sòu : Ca
Autour basso e auto : 100 à 2200 m
Aparado : Noun
Jun à avoust

Liò : Pinedo - Faio - Sapiniero
Estànci : Subremediterran à Subaupen
Couroulougi : Bourealo
Ref. sc. : Pyrola chlorantha Swartz, 1810

Pan-couguiéu(-de-Lecoq)

Centranthus lecoqii

Caprifoliaceae Valerianaceae

Nom en français : Centranthe de Lecoq.

Descripcioun :
Aquéu pan-cougiéu, que trachis dins lis esboudèu de colo e basso mountagno, sèmblo proun au pan-cougiéu coumun. Se n'en destrìo pamens qu'a li fueio mens larjo e mai claro. Ero, à passa tèms, counfoundu emé un autre pan-cougiéu, aquéu di-fueio-estrecho. Pèr acò, fau regarda lou noumbre d'entre-nous, aqui n'i'a mai de 10. Coumpara emé lou pan-cougiéu o emé lou pan-cougiéu-di-fuei-estrecho.

Usanço :
A bessai li mémis usanço que lou pan-cougiéu coumun.

Port : Grando erbo
Taio : 15 à 100 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Centranthus
Famiho : Caprifoliaceae
Famiho classico : Valerianaceae

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Esboudèu - Roucaio - Basso mountagno - Colo
Estànci : Mesoumediterran à Subremediterran
Couroulougi : Pancaro entresigna
Ref. sc. : Centranthus lecoqii Jord., 1852

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Pyrola chlorantha & Centranthus lecoqii

ges

Coumpara Pirolo(-di-flour-verdasso) emé uno autro planto

Coumpara Pan-couguiéu(-de-Lecoq) emé uno autro planto